Chin United Company Le Zinghmuh Company Nih Ting 38 Dih In An Ser Mi Tilu Luanak Cu A Hrawk Colh

Falam peng, rih-tidil umnak lei ramri “Khengkang” khua pawng lamthar an cawknak lei ah ting 38 dih in sermi tiluluannak pathum cu an ser dih thlakhat a rauh hnu ah a kaat dih tiah tualcung khuami pawl sin in theih asi. Hi tiluluannak hi  “ramri le tlangcung miphun thanchonak lei riantuannak zung”  tangka in sak mi asi i zinghmuh company le Chin united company nih tuanvo lak in tuah mi asi.

” Khawrua ” khua bawi U Thang Hlei Sum nih Zinghmuh company nih sermi tiluluannak a lenglei in akuai mi cu Plaster in an rak benh, atanglei cu a kuai rih ko  tiah a chim, Chin United company nih an sermi tilu luannak pakhat cu May 18 tiang ahkhan an remh rih lo . tubantuk in alenglei in an remh ko nain caan sau cu a nguh lai lo tiah a chim.

Mah tilu luannak hi kan hnu Febbury thla hrawng ahkhan an tuah mi asi April thla an dih bak asi, a tu ah aa hrawk than colh. Zinghmuh company tuanvo ngeitu U Lian Nawl nih vawlei thar lamthar cawk mi asi caah akuainak hi asi, Khengkang khua ah kan tuah mi tilu luannak pahnih cu kan remh cang tiah a chim.

Zalen-thuthang