Chin Ram Ah Primary Sianginn Akai Lio Mi Ngakchia 6 le kum 50 minung Pakhat Ti Nih A Fenh Hna

Chin ram, Kanpetlet  Myo, Nga-ce khua in Saw Myo ah ummi Ti-kung khua ah Primary sianginn a va kai  mi ngakchia 6 le a rak dongtu hna nu pakhat cu  kan hnu june 7 zaanlei sang ahkhan ti nih a fenh hna tiah theih asi.

Ngakchia 6 laak ah minung 3 hna cu a nung in nizaan zingka ahkhan an hmuh than hna, asinain U Ling Tung le Daw Lai Thang hna i an fale pathum tangthum a kai lio mi Mawng Niang Ling (Kum 9), tanghnih a kai lio mi Mawng Htung Ling (kum8) le KG a kai lio mi nu Luh ling ( kum 5) hna cu a rak dongtu  hna Daw Lay Hung (kum 50) minung he tiin an tlau i an hmuh kho rih hna lo.

Nizaan suimilam 10 hrawng ahkhan Saw Myo, Lay-yin khua hnu lei falung 6 hrawng a hlatnak ah hmun ah tangthum a kai lio Mawng Niang lung kum 9 pate tu cu a ruak in an hmuh than tiah theih asi.  Nga-ce khua ahhin sianginn aum lo caah meng hnih tluk a hlatnak Ti-kung khua ahhin sianginn an va kai tiah theih asi i Sianginn an kainak ah tu bantuk in ti in an pam nak hi asi.

Zalen Thuthang