Connect with us

Chin Ralzam Le Rohingya Ralzam Pawl Kir Dingah An Him Maw Him Lo Hlathlainak An Tuah Lai

ralzam

World

Chin Ralzam Le Rohingya Ralzam Pawl Kir Dingah An Him Maw Him Lo Hlathlainak An Tuah Lai

Malaysia cozah nih Ralzam pawl hramhram in Myanmar ram a him lo ahcun kan kirter hna lai lo , kan tuah mi thil tampi ah ah zaangfanak lungthin kan ngei ko UN ah  (1951 Refugee Convention) ah minsen kan thu lo nain a thu mi bantuk in kan cawlcang ko tiah Foreign Minister Datuk Seri Saifuddin Abdullah nih a chim.

Nizaan ahkhan Wisma Putra ah thawngzamh tu pawl he tonnak an ngei hna i cu ahcun Myanmar Chin ralzam pawl 2019 in  ralzam an sinak a donghnak kongkau he pehtlaih in bia an hal tik ah hitihin alet hna.

Chin ralzam pawl hi kum 10 lengkai Malaysia ah kan umter cang hna ,  Malaysia ah zungzal an umnak ding ram asi lo nain Malaysia cozah nih an himnak ding caah a zattawk in an cung ah dawtnak zaangfaknak kan ngei ko tiah a let hna.

Chin ralzam dihdonghnak kongkau hi cu UNHCR nih Chin ralzam cu UNHCR huhphehnak an hau ti lo , an ram ah kir khawh an si ko cang an him ko cang tiah biakhiahnak an tuah mi asi, tiah Saifuddin nih cun a chim .

“Asean “ nih Myanmar ram ah Rohingya kongkau hlathlai ding ah tuanvo pek mi kan thlah hna lai cu ahcun Chin ram hi kir ding ah him maw him lo timi zong zohfelnak an  va tuah chih te lai tiah a chim chap.

Kan hnu nikhat ni ahkhan Singapore hruainak in “Asean”   nih “Foreign Ministers’ Special Taskforce” ( FMST) tonbiaruahnak an tuah cu ahcun Rohingya pawl kawlram kirter nak kongkau kha an ceih mi asi. Mah lungtho te in kir an duh ko ahcun kan rian cu himte in le limhang ngeite in an kir khawhnak hnga va bawmh kha si ko tiah Foreign Minister Datuk Seri Saifuddin Abdullah nih a chim.

Click to comment

Leave a Reply

Your email address will not be published.

More in World

Facebook

Rel Bikmi

To Top