Connect with us

Chin ralzam kawng UNHCR policy cozah nih theih pilo

Chin

Chin ralzam kawng UNHCR policy cozah nih theih pilo

Malaysia cozah nih Chin ralzam kawnghe pehtlai in Feb 19 ah theihter nak an tuah nak ah UNHCR nih chin ralzam huhphenhnak donghter nak dingah Policy an ngeih mi cu Malaysia cozah nih official in atheihpi lo tiah theih ter nak an tuah.

Malaysia ah hin Chin ralzam minung 26,000 hrawng an um, NSC hi Malaysia ramchung ralzam lei kawngah Cozah agency an si.

ACR chairman Mung Khat nih UNHCR cu Malaysia cozah he ichonhbiaknak an ngeih lo tuk tik ah Ralzam dirhmun ahim lo tiah achim i UNHCR nih Malaysia cozah le Community ruahnak hal lo i a Policy akal pi mi cu Chin ralzam ca lawng silo, Malaysia ramchung ralzam dihlak caah thinphang ngai ngai asi tiah achim than.

Malaysia Phunghram lei ah Bar Council committee Chairman asimi Andrew Khoo nih achim ve ningah phunghrampi zoh ah cun UNHCR nih Malaysia cozah sin ah an policy kongkau theihter nak tuah khawh nak nawl angei lo, asi nain theihter nak tuah asual nak a um fawn lo tiah achim i UNHCR nih an policy anthlen mi cu Chin ralzam caah cun atholo ngai mi asi tiah achim.

Vawleicung pumpi ah Humanitarian Organisation Geutanyoe Foundation ah Director asimi Lilianne Fan tu nih cun Malaysia cozah nih athat nak in adamh khan piak azumh nak achim.

UNHCR nih hin June 13, 2018 ah khan Policy thar athlen i Chin ram ahim cang tiah ralzam huhphenh nak a dongh nak ding arak thanh, asinain Malaysia Chin ralzam nih Chin ram ahim lo tiah UNHCR policy cu an doh ve.

UNHCR nih an policy an thlen ruangah NGO nih UNHCR cu Chin ram ahim taktak maw him taktak lo tehte piah dingin anawl ve.

Kum 1951 UN Refugee Convention ah khan Malaysia hi Refugee runven nak ah pehtlaih nak ngeih arak duh lo i Malaysia Migrant 1959 act zongah Malaysia mi asilo mi ramdang mi, Malaysia ah um khawh nak Cozah theih pinak document pakhat tal angeilo mi cu UNHCR card ai tlaih mi zong an ram ah kuat dih ding tiah phunghram an ngei, asinain Malaysia cozah cu UNHCR riantuan nak ttihzah piak dingin theihter asi.

Continue Reading
You may also like...
Click to comment

Leave a Reply

Your email address will not be published.

More in Chin

Facebook

Rel Bikmi

To Top