Chin Miphun Nih Bochanmi CNA Ralbawi Sui Uk Nih Mual An Kan Liam Tak

Chin National Army ( CNA ) ralbawi Sui Uk cu kaal damlonak in tu ni March 18 ah Hakha sizung ah a nunnak a liam tiah ngeihchiatnak thawngpang theih asi. CNA ralbawi Sui Uk hi Kalay Peng,  Kyarin khuami asi i mifel , pumrua tha le bochan ngai mi minung asi Voleyball bengh hna hi a zuam ngai mi asi a riantuan hawi zong nih tihzah mi le tleihchan mi asi. A nupi hi Operation tuahnak in nau angeih nak hi nithum te lawng a si rih tiah theih asi.

Cun anih hi 2014 lio inkhan Kachin ram ralbawi ( Bulawng) Training akai hnu in  Lairam Victoria Camp ah ah a riantuan mi asi tiah theih asi, Chin ram le Chin miphun caah nunnak tiang pek in riantuan mi le bochan awktlak asimi CNA ralbawi Sui Uk nih hi bantuk in a kan liam tak tik ah Chin mipi Chin ram  caah a fak khun, taantak mi anupi le a fate hna zong thlacamnak in bawm cio hna usih.