Connect with us

Chemical plant akangh ruangah minung 44 thi

World

Chemical plant akangh ruangah minung 44 thi

China ram nichuah chaklei, Jiangsu Pengkulh Chemical sehzung ah nizan cawn ninga ni ah khan thil apuak i kangmei atho cawlh, minung 44 an thi i midang 600 leng hliam hma an pu.

Kangmei achuah nak hmun hi Yancheng khua i Chenjiangang Industrial Park hmun ah asi, mei nih ahliam mi hna hi sizung ka dang ka dang ah tehpi colh an si i mingnung 600 leng ahliam mi lak ah minung 33 cu faktuk in akangh hna ruangah thih ngamh in an fak, Kangmei hi Zinglei suimilam pathum lawng ah an hmih khawh.

Atu hi China President Xi Jinping Italy rami atlawn lio asi, President Xi nih vanchiat nak thawng atheih in China Official hruaitu hna bia acah i Kangmei ruangah hliam atuar mi cu Sizungah thate in tlawpbul dingin acah hna i Chemical Sehzung kangmei achuahnak aruang fiangfai dawthlat dingin acah hna.

Kangmei achuahnak Chemical sehzung hi Tiangjiaji Chemical Company ta asi i Organic Chemical Compound 30 leng an sernak sehzung asi, hi Sehzung kang mi nih apawngkam sehzung zei maw zat atlaih chih ve ruangah minung 1,000 leng hmun him ah tthial an si.

Continue Reading
You may also like...
Click to comment

Leave a Reply

Your email address will not be published.

More in World

Facebook

Rel Bikmi

To Top