Connect with us

CAB kongah India Prime Minister bialeh nak

Politics

CAB kongah India Prime Minister bialeh nak

India Citizenship Amendment Bill (CAB) kongah prime minister Narendra Modi nih North East state pawl bia alehning cu tuk apur ngaingai, aram buai in buainak achuahpi lailo ti chim khawh asi tilo.

CAB hi North East State vialte nih an duh lo i India chaklei ramkulh vialte kawmh in Guhati ah tapeih an rak hmoh cang, Mizoram zongah tapeih an hmoh i “Hello China, Bye Bye India” tiah PM Modi zuk hna an khanh i, CAB hi India cozahpi nih akalpi ah cun India ram i umnak tlak asilailo, methal itlaih in kan ikap than lai titiang in PM Modi warning an rak pek.

PM Modi nih India chaklei ramkulh pawl bialeh nak angeih ningah CAB hi kan zukpiak lailo, atak in kan kalpi lai ati chih.

PM Modi chim ningah, Pakistan, Afghanistan, Bangladesh le China in ‘Mother land India’ ah anvun lut hna i India ram Map chungah khawsak tthut to an duh, India ramchung in a um mi nih cun India cozah nawlbia angaih awk asi tiah achim.

PM Modi nih achimchap ningah Citizenship Amendment Bill (CAB) nih hin Nortg East state pawl pakhat hmanh harnak an pe hna lailo, Delhi ah AC tangi athu mi cheukhat nih bia fonghlei an porh mi ruangah asi, harnak an pe hna lailo tiah achim.

Prime Minister Modi nih North East state pawl bia aleh ning cu bia nek ngaingai asi, Pakistan, Afghanistan, Bangledesh le China in India ramah nan vun lut i India Cozah nih kan in onh hna, India Cozah nawlbia nan ngaih awk asi, India cozah nawlbia angai kho lo mi cu India ram hi chuahtak khawh asi tiphun bak in North East State pawl cu a tongh hna i CAB cu kalpi aitim tthiam2 ko, an buai ngai te lai ti afiang, Mizoram lebang nih cun CAB aduh in an duh loh, thih hmanh an duh deuh.

Continue Reading
You may also like...
Click to comment

Leave a Reply

Your email address will not be published.

More in Politics

Facebook

Rel Bikmi

To Top