Connect with us

Brunei Ram Nih Ngeihkhat (Gay) Sualnak A Tuah Mi Cu Lung In Thilak In Cheh Ding Tiah Fehternak An Tuah

brunei

Celebrity

Brunei Ram Nih Ngeihkhat (Gay) Sualnak A Tuah Mi Cu Lung In Thilak In Cheh Ding Tiah Fehternak An Tuah

Brunei nih  April thla zarhkhat nak ah LGBT ( Gay sex ) sualnak tuah mi cu thilak in lung in cheh ding tiah phunghram thar an suai mi cu fehternak an tuah cang i thanhnak zong an tuah cang. Brunei ram ahhin ngeihkhat sualnak a tuah mi cu kum 10 chung thongthlak ding tiah phunghram an rak ngeih cia cang mi asi, tutan i an phunghram atharchuah mi ahhin Brunei hi Asia ram ah ngeihkhat sualnak tuah mi thihnak tiang dantatnak ape hmasabik mi ram ah ah an hun i cang.

Brunei ram Islamic law fekte in azulmi an si i  mifir zong hi an ken tan hna silo le an kut tan tibantuk in dantatnak a pek hna, nau i hrawh ruang ah thongthlak khawh an si, abik in ngeihkhat asimi Gay pawl nih sualnak an tuah ahcun lung in thilak in cheh ding tiah phunghram an tharchuah mi nih vawleicung mipi tampi an thin ahunter hna.

Nuhrin covo kilvennak a cawlcangbu nih fakpi in Brunei cu an mawhchiat, vawleicung minthang hna Elton John, Ellen, George Clooney le adang minthang tampi nih hna zong nih duhlonak an langhter i Brunei cozah ngeih mi Hotel cu hmang ti lo ding in (Boycott) an tuah.

Hi boycott an tuah mi nih hin Brunei cozah ngeih mi Hotel cu ahnursuan lai maw ? 2014 lio zong ah vawleicung mithang hna nih tubantuk in duhlonak an rak langhter i zeihmanh a hlei lo. Brunei cu datsi in a rummi asi caah, Economic le in namnennak an tuah lo ahcun zeihmanh a hlei lai lo. Brunei datsi a cawbik mi hna ram hi South  korea, Janpan, le Malaysia hna an si. Asinain hi hna ram nih Brunei biakhiahnak tuah mi ah zeihmanh an chim rel hlei lo tiah BBC nih a chim.

Reff: Says.com,BBC, Daily Mail

Click to comment

Leave a Reply

Your email address will not be published.

More in Celebrity

Facebook

Rel Bikmi

To Top