Connect with us

Australia um Chin Miphun Nih Liberal Party Hi Kan Dir Pi Zungzal Ding An Si Ko A Ruang?

Chin

Chin

Australia um Chin Miphun Nih Liberal Party Hi Kan Dir Pi Zungzal Ding An Si Ko A Ruang?

Australia ram khuasa Chin mipi nih Liberal Party hi kan tanh pi zungzal awk asi ko tiah ka ruah, a hleikhun ralzam sinak bak in aa rak phan mi le 202 visa hna in a rak phan mi hna nih hmailei zong ah vote pek nak nawl kan ngeih tik ah Liberal party cung ah an dawtnak philhlonak langhter nak ah Vote pek zungzal ding an si, zeiruang ti ahcun a tanglei in kan rak langhter mi CHRO director Salai Bawi Lian Mang le Australia community hruitu pakhat Lian Ding Hmung hna nih an rak tial mi Proof le Facts hi rak rel ve law tampi kan i fiang ko lai.

Congratulations to Prime Minister Scott Morisson and Liberal Party of Australia Prime Minister Scott Morisson le Australia Liberal Party pawl nih rampumpi thimnak ah tei nak an hmuh caah ka lawmh pi hna.
Prime Minister Morisson le Liberal cozah nih vawlei cung ralzam pawl caah Australia cozah nih zawnruah nak in an tuah mi 202 Global humanitarian visa tiah an timi cu a dihlak in Chinmi caah an kan chiah piak. Ram pakhat nih miphun pakhat kha a minthlir in nanmah kha pa pek in kan in zohkhenh kan in lak hna lai ticu a sunglawi ngaingai mi asi.

Liberal cozah hi cabinet level ah Australia cozah nih Burma ah education le poverty reduction ca I kumchiar 80 Million hrawng nan bawmh mi cu Chin State ah rak kan ruah piak u tiah kan chimh cang mi hna an si. Hmai lei ah bia kan iruah lengmang lai tiah an kan ti caah an mah cozah an hmunh mi hi kan caah a biapi ngaingai mi asi tiah Salai Bawi Lian Mang nih atial.

Lian Ding Hmung tial mi

1). Maroondah City Council he I bawm in Chin Association of Victoria pawl zung khan an pek hna.

2). Maroondah City Council he I bawm in Nichuah um Chin Communities pawl le Karen pawl hman ding ah Burmese Community Center sak an timh.

3). Naite ah PM Scot Morrison nih WA Chin biakinn caah AUD singli a bawmh hna.

4). Senator Dean Smith nih UNHCH nih Chin ralzaam hlawtnak an tuahmi let tthan ding ah biatak tein a ttuan i, hlawh zong a tling. (Mi dang zong an i tel).

5). David Hodget nih Chin Hakha hmuh VCE hmuh nakding ah a kan bawmh.

6). Michael Sukkar nih VCBC saknak hmuh khawh nakding ah a kan bawmh.

7). Amah thiamthin nih Hakha mincimh lioah Australia cozah sinah biatak tein Chinram bawmh ding ah a chim.

8. Chin upa hna nih Australia Prime Ministers hna Ministers hna ton khawh ding in Liberal MPs hna nih an kan tawlrelpiak.

9). Australia cozah nih Chin ralzaam tampi lah rih ding in an kan chimpiak.

A dang a um pah rih. Hi vialte bawmh hi, Chinmi bantuk mi tlawmte caah cun bawmh taktak dawh a si.

Lian Ding Hmung

Click to comment

Leave a Reply

Your email address will not be published.

More in Chin

Facebook

Rel Bikmi

To Top