Australia Senator Dean Smith Cu Malaysia Chin Ralzam Upa Pawl He Tonnak A Ngei Kho

Australia Senator Dean Smith cu Australia cozah le Malaysia cozah karlak ah a rian herh in Malaysia a rak phan, Australia ummi Westerns Australia Chin community upa hna nih Malaysia  Chin ralzam pawl  tonnak ngei kho ding in an rak nawl hnu ah  Malaysia Chin ralzam  hruaitu hna upa he kan hnu Nov 1 ahkhan tonnak an ngei kho tiah theih asi.

Tutan a rak rat ahhin ACR le FRO zung zong ah aphan kho, Chin ralzam mizaw mihar deuh a simi hna an inn tiang zong ah a va lengkai  hna tiah theih asi,  cun ACR sianginn zong ah Siangngakchia a va veh hna hnu ah(Public Meeting), Mipi he tonbiaruahnak zong Senthang biakinn ah an ngei kho hna.

Chin ralzam

Hi tonnak ahhin a bik in an ceih mi cu UNHCR nih 2019 kum dongh in cun Chin ralzam dihdongh ter ding in biakhiahnak an tuah mi kongkau ah Chin ralzam kan sining, kan hmuhning le kan ruahning cun tlun kan duh tak maw duh tak lo tibantuk kha a ceihpi hna, cu ahcun Chin ralzam hruaitu upa hna nih thil sining chimnak caan tha a ngeih cun CHRO lei zong nih an report zong cu Dean Smith sin ah an pek khawh tiah theih asi i a ralai mi Australia Parliament meeting ah Chin ralzam kongkau a chim te lai  tiah theih asi.