Connect with us

Australia Kalnak Kong Ah Mi Hleng Mi An Um Ralrin Aherh

Australia

Chin

Australia Kalnak Kong Ah Mi Hleng Mi An Um Ralrin Aherh

Malaysia um Chin ralzam nih Australia kalnak cu sok cio asi caah mi hrokhrol pawl nih caan tha in lak ve hna kaw mi hlen nak ah a hmang mi zong an um ve, zeidang kong ka tial hlan Australia asok tu pawl kong hun tial ta ka duh. Malaysia Chin ralzam nih kan ngeih mi CRC zung ahhin Australia sok nak kong hi cu bawmh hal peng asi nai hrawng cu asok tu kan tamtuk tik ah CRC ah appoiment a la mi zong an hung tam taktak.

A caan ahcun CRC zung i Australia lei riantuantu  Saya Ceu Mi lawng nih a chei lo caan ah Secretary riantuantu Saya Robert le Co-ordinator riantuan mi Dawt Ceu Bik nih an bawmh tawn Busy tuk caan ahcun nikhat chung bak ah Form 6 in 7 te hna kan phih tawn tiah Saya ceu mi nih a chim, khi Form pakhat te phihnak ahkhin atlawmbik suimilam 2 chung hi a rau tawn mi asi i CRC riantuan mi minung pathum bak nih chunnitlak bak te zaanlei suimilam 7 tiang hna Form an phih piak tawn hna.

CRC zungah Australia sok dingin  min mi cazin a rak pe mi an tamtuk tik ah ape hmasa mi hoi in phih piak asi, mah caan a phak hlan kha cu hngah ve a hau, mah cu tawinak te in CRC Australia sok nak kong cu ka hung langhter.

Cheukhat nih cun CRC riantuan ning le thil sining kan theih lo caah CRC cu an i uahtuk  tiah kan mawhchiat hna hi kan mah te in lengkai ah bawmhnak kan hal mi hna an um, UN holhlet hna zong bawmhnak kan hal hna.

UN holhlet pawl nih hin kan sin ah ra uh From kan i phih piak hna lai tangka nan kan pek lai tiah an i ti fawn hna lo, nanmah te in zaangfak te in kan bawmh ko sawh tiah bawmh nan hal hna i lunglawmhnak ah Rm 50, Rm 100, Rm 200 ti in laksawng nan pek tawn hna, a tlamgtling mi cu nan tluang ngaingai.

Cheukhat cu nan tlamtlin lo tik ah Form an phih piak tu minung kha nangmah nih thideng in bawmh nan rak hal kha na philh rua atu ahcun nan mawchiat hna i tangka  cuzat khazat kan pek hna tiah an thang nan chiat hna.

Form a phih piak tawntu hna ka theih mi pakhat nih a tu ahcun ho hmanh from kan phih piak ngam ti hna lo a tlamtlin lo sual ahcun faktuk in thangchiat kan ton tiah a chim ve. mah cu kan boruak cheukhat tawite in hung langhter ta ka duh mi asi.

Cheukhat ve bak cu  lih le hrokhrol in riantuan tu an rak um taktak ve ko, Australia kalnak From kan i phih piak hna lai tangka cuzat khazat kan pe uh ti bak in mi a hleng mi an um, nan kal kho hrimhrim ve lai tiah bia tiang an kamh hna, mah cucu mi cheukhat nih kan i zumhtuk ve i tangka pek bak in kan fial ve hna a donghnak ah tangka zeimawzat kan sungh dih hnu ah hlen kan tuar ti kha kan hun i theih caah tangka hal in bia an kamh tu minung kha cu mi hrokhrol bak asi ti kha na theih a hau ve cang.

Tu lio ah bia cawkvai ahung leng mi pakhat hoi cu Tangka auh in Australia kalnak hi asi, puaisa phunphai in riantuan mi an um caah ralrin taktak kan herh Australia kalnak zeitik hmanh ah puaisa in kal a ngah lo timi kha zapi nih kan theih a herh.

kan mah laimi chung in a tong cang mi zong an um tiah theih asi, kan i tuah piak lai na kal kho hrimhrim lai tiah bia an kamh tu an um ahcun mi hrokhrol taktak an si ti kha fiang i mi tampi an hlen hna hlan ah rianrang in CRC ah report pe hna uh . Austrlia sok nak kong ah Thil sining fiangte in na theih lo mi cu tuah hrimhrim hlah, CRC ah ruahnak hal ta lengmang.

Click to comment

Leave a Reply

Your email address will not be published.

More in Chin

Facebook

Rel Bikmi

To Top