Connect with us

An Kaltak Ti Lo Ding Mi Tlangval

dawtbak

Education

An Kaltak Ti Lo Ding Mi Tlangval

(1)Buaibai Nak A Um Caan Ah Hrialtak A Hmang Lo Mi

Pa pakhat nih thit awk tiang in, a duhmi nungak cungah cun zeibantuk harnak le retheihnak a um zongah a kaltak bal lai lo. Tlamtlin lo caan ah zu le sa he i ciah a hmang mi pa a si lai lo, lungretheih nak um hmanh seh law, a dawtnak le a zawnruahnak thinlung nih a nungak nu kha a ttha damter.

(2)A Ruahnak A Kau Mi kan Ti Mi Cu

Pa pakhat i a ruahnak le a fimthiamnak cu zeitluk indah thil a ti khawh timi kha a si lem lo, harnak ton caah zeitluk indah a ttha bik in ruahnak a chuahpi khawh kha si deuh tawn, cu bantuk DL na ngeih ahcun nangmah he pehtlai in harnak um hmanh sehlaw zeitin kan tuah ah a that lai ti kha a theih cang caah an kaltak bal lai lo.

(3) Na palhnak An Ngeithiam Tu

Minung poh hi palhnak he a tthen kho lo mi kan si ti kha a theihthiam tuk mi pa he na duh ahcun mi vantha na si ko cang, na ruahnak a hman lomi, na tuahpalh mi zong kha a mahlei in a tthabik lam in an hruai khawh lai. Na palhnak ruangah nangmah le nangmah kha fahnak an pe hrim lai lo.

(4) A Palh Nak Ah Tuanvo A Lak Mi Pa

Zungzal caah an thimtu pa nih cun, a mah palhnak ruangah zeitik hmanh ah na ngeih an chiatter lai lo. A palh nak zong kha i theihter lo in le thuhnawh phunphai in a um fawn lai lo i, a palh hmanh ah tluangtlam te in ngeihthiam an hal ko lai. A tuahmi thil ah a dik si ko hmanh sehlaw na caah ngeihchiat nak a chuakter mi thil a si ahcun , a mah le mah sual a phaw ding mi phun a si.

(5) Zei Tik Caan Poh Ah Na Pawng Ah Um peng Lai

chiat caan le tthat caan zongah na pawngah an umpi pengmi pa pakhat nih cun zeitik hmanh ah an kaltak nak dingah khua a khang bal lai lo. Aa duh mi nungak tlangval caah i tthen timi hi ral pakhat a si ti kha a fian tuk caah a si.

Zei bantuk a va si ko zongah, a tling dihmi duhnak cu a umlo bang in, zeilei poh a tling dihmi pa zong an um kho ve lo. Mah ruang ahcun a duhmi karlak ah pakhat le pakhat tlamtlin lonak kha i theihthiam a hau.

Today.com

Click to comment

Leave a Reply

Your email address will not be published.

More in Education

Facebook

Rel Bikmi

To Top