Connect with us

American mi kawlram palik nih an tlaih

Myanmar

American mi kawlram palik nih an tlaih

Mandalay pawng ah ram acre 20 ah cannabis cingtu American pa kum 63 mi John Fredric Todoroki le kawlram mi pahnih hna cu palik nih an tlaih hna, midang american pa kum 49 mi Alexander Skemp Todoroki cu tlai dingin an kawl cuahmah lio asi.

Cannabis hi thlaihring phunkhat, rithaisi sernak ah hman khawh mi thlai asi, Marijuana le Hemp hi rithaisi sernak bak thlaihring asi ruangah Myanmar cozah tangah cin khap asi i Cannabis thlai belte hi damlo zawfak thlawp bul nak si ah serkhawh asi ruangah Myanmar cozahpi sin ah cin phal nak nawl asi tiah Aung Say Toe nih achim.

Cannabis hi American mi pahnih nih kawlram ni isawm i Mandalay pawngah an cin mi asi i Cozah pi sin ah kawlramchungah cin sianh nak nawl hal lio asi ruangah an cin mi cu hman an thlak i an mah lila nih facebook ah an post.

Facebook ah an post le cangka Palik nih an veh cawlh, Kawlram chung rithaisi dohtu Myanmar’s Central Committee for Drug Abuse Control hna nih dawt hlat nak an ngeih tik ah hi acre 20 chung ah hin cannabis 350,000 le Marijuana kung 600 le Marijuana ci pound 840 an tlaih.

Cannabis hi si ah serkhawh asi ruangah kan hnungkum August thla ah khan Cozahpi sin ah Mandalay Ttain ah Cannabis cu phungning te in cin khawhnak ding nawlnak an official te in Mandalay regional Government nih arak tuah i pending file ah chiah asi.

Kawlram cozah phungning ah cun rithaisi sernak he pehtlaih nak ruangi tlaih mi hi atlawmbik kum 15 thawngthlak an si lo le thih hlan lo thawngthlak khawh an si. hi cannabis an cin mi hi thlithup in an cin mi asiloh, mipi ai chawkvak mi kip nih an hmuh mi asi i an cin lio video record zong online ah an thlah.

Continue Reading
You may also like...
Click to comment

Leave a Reply

Your email address will not be published. Required fields are marked *

More in Myanmar

To Top