Connect with us

AA ralkap nih Kawl ralkap 20 an thah

Myanmar

AA ralkap nih Kawl ralkap 20 an thah

AA ralkap thawngthanh tu Khine Thukha nih achim ningah Kawlralkap battalion No.373 he an ikah nak ah Kawl ralkap minung 20 an thi i an pistol le meithal zong lakpiak an si, athi mi lak ah hin Kawl ralbawi zong aitel tiah achim.

Kawl ralkap lei i AA he an ikah nak ah Ralkap thi mi zat hi an langhter lo nain Brigadier General Zaw Min Tun nih achim ningah AA he an ikah nak ah Kawl ralkap zei maw zat athih nak kong cu achim.

Radio Free Asia nih thanhca achuah ning ah AA nih cawn nihnih ni zan suimilam 10 p.m hrawng ah khan Police Battalion kah hram an than, midang AA ralkap minung 400 nih cawn nithum ni zinglei suimilam 3 a.m ah Police Headquarter dang an phomh than tiah General Zaw Min Tun nih achim.

Cawn nithum ni zing suimilam 3 a.m in suimilam 5 a.m tiang an ikap i Kawlralkap an va phanh ah Kawlralkap nih an nawr hnu ah an zam than tiah achim chap.

AA spokeperson nih Kawlralkap minung 20 an thi bantuk i achim mi cu General Zaw Min Tun nih kawl ralkap 20 taitai an thih lo nak achim i fiang set lo in pa 10 hrawng cu an thih azumh nak achim.

Cawn nihnih ni zan i Chaung-thit khuate an ikah nak ah hin Civil mi meithal kuan nih afuh sual mi athi mi an um i hliam atong mi zong an um, kum 25 nu cu abiang orhlei kap ah meithal kuan nih akhen i sizung ah thlopbul lio asi.

AA ralkap teirul cham dingin Naypyidaw nih ralkap zei mawzat le raltuknak Helicopter pin ah Raltuknak vanzuanglawng Jet Fighter cu AA phomh ningin Rakhine state ah athlah chap tiah Radio Free Asia nih thanh ca achuah.

Continue Reading
You may also like...
Click to comment

Leave a Reply

Your email address will not be published.

More in Myanmar

Facebook

Rel Bikmi

To Top