Connect with us

AA Commender nih Kawl cozah Rakhine miphun hrawh timh ah apuh

Myanmar

AA Commender nih Kawl cozah Rakhine miphun hrawh timh ah apuh

Arakan Army (AA) ralkap hruaitu nih Kawl cozah cu Arakan miphun hrawh le an ci hmih piak itimh ah apuh.

AA ralkap Commander Maj. Gen. Tun Myat Naing nih media reporter sin i achim ningah, January thla i AA ralkap nih Rakhine chaklei Palik sakhan an luh hnawh i Palik bawi minung 13 an thah hnu i buainak hram ithawk ah, Kawl cozah nih AA ci hmih i Rakhine miphun zong hrawh itimh ah apuh nak achim.

“Ralkap Division 22 nak ah kawl ralkap minung 2,000 leng cu AA doh dingin Ottwin township i Bago ah raltuk icawnpiak nak training an tuah, training an tuah hnu ah vanzuanglawng hmang in Rakhine state ah an zuang” tiah achim.

Tun Myat Naing nih achimchap ningah Kawlram cozah nih AA doh dingin India cozah sin ah bawmh ahal i India raltuknak hriamnam tha tha zong ahal, an i tinh mi cu India chaklei Boarder in India ralkap he vun luhti i AA mangh viar an timh tiah achim.

AA le Kawl ralkap an buai hnu ah hin January in atu tiang voi 100 hrawng an ikap i AA ralkap minung 60 an thi cang, Civil mi zei mawzat an thi i Kawl ralkap lei athi mi zat hi fiangfai in theih khawh asi rih lo, Kawl ralkap lei nih thitha in an chim duh lo.

AA nih an puhnak cu Kawl ralkap lei nih an ipheh i AA cu Ralhrang organization he ai pehtlai mi an si tiah an langhter ve.

Continue Reading
You may also like...
Click to comment

Leave a Reply

Your email address will not be published.

More in Myanmar

Facebook

Rel Bikmi

To Top