Connect with us

A Duhka Mi Nih Theih Herh Taktak Phun 7

a duhka mi

Education

A Duhka Mi Nih Theih Herh Taktak Phun 7

(1) Tu le tu i ton lengmang ko uh nain tontuk cu a tha ve lo

Zalongte in aa duhmi nungak tlangval cu zapi hmaiah kutsih in an umkal ngam ko nain, zalongte in aa duh kho lomi cu pangpar dum heiti le kadang hmundang ah an i tong tawn ve. Aa duhmi ngaknu tlangval nih tu le tu i ton khawh cu a tha ko nain a hleihluat tukin i ton lengmang cu nan i duhka a si caah pakhat le pakhat i simhnak a chuak kho.

(2) A duhnak zulhpiak tuk hlah, na duhmi cungah caantha kawl tuk hlah.
Nan i duhnak caan a sau hrih hlan ah nu nih pa duhnak kha zultuk rih hlah, pa zong nih nu kha na duhnak zulhter tuk i tim hlah. Nuva nan si rih lo caah chimh hau loin theih awk a si. Cu ruang cun a hramthokte in pakhat le pakhat i theihthiam kawh i zuam a hau.

(3) A herh loah tangka hmang tuk hlah.
Ho kan si zongah kan duhmi cu a duhmi paoh kha cawkpiak kan duh ko nain, na nungak hmaiah taangka thazaang hmang tuk hlah. Tangka mit zoh ruangah an duhmi a si ahcun cu duhdawtnak cu caan sau a hmunlo.

(4) A sining kha cohlanpiak i zuam
Kan palh tawnmi pakhat cu, mahnu mahpa he aa duh mi kan si ahcun cucu ka tuahter lai khakha ka tuahter lailo tiah rikiahnak ngeituk hlah. Mah ti na tuah ahcun na duhmi kha na hrem he ai khat. Cu caah pakhat le pakhat sining le thinlung put kha i cohlanpiak aherh.

(5) Na nungak tlangval kong na hawile sinah chim rih hlah
Nan pahnih nan i duhnak le nan umkalnak kong le nan tuahmi pawl kha ho hmanh chim rih hna hlah. Hi bantuk kan tlonlenmi hi i uang ngai in chim dingmi thil a si lo. Arauh hlan aa phiat than colh ding le bang cu chim lo bak ding a si. Hi nan i duhdawtnak cu mi sin na chimnak ruangah mi nih neknak (teihkha) tlaknak lam a si.

(6) Na duhmi he nan i ton tikah pumpak na thinhunnak i kalpi hlah.
Minung cu thinhung phung a si ko nain inn ah na thinhunnak kha na duhmi he lengah nan i ton tikah i kalpi chin hlah. A herh loah buainak lehlam a chuahpi khomi asi.

(7) Duhdawt kawh le zohkenh kawh i zuam
Duhdawtmi he i ton tikah pakhat le pakhat i dawt thiam le i zohkenh thiam hi a biapi bikmi asi. Duhdawtnak cu aa duhmi nungak tlangval caah a herh bik a si caah biasawngtlorhnak tampi ngei uh law pakhat le pakhat sining i theihthiamnak le dawtnak a karhter chin lai i, thinlung chungin duhdawtnak a fehter i hmailei caah lungthlitum tlinnak a si.

Click to comment

Leave a Reply

Your email address will not be published.

More in Education

Facebook

Rel Bikmi

To Top