Connect with us

A Duhfak Mi Le Ahakkau Mi Ka Duh Sual Cang Ti Theih Khawhnak Phun (8)

biachim

Education

A Duhfak Mi Le Ahakkau Mi Ka Duh Sual Cang Ti Theih Khawhnak Phun (8)

A palh nak kha a phuang duh lo.

Mi pakhat nih mi pakhat kha a palh ruang i ti kan duh tik ah biachia le holhchia he heh va sawh chih phun khi an uar.Mah palh nak bal cu a si khawh chung in al i thuhnawh duh nak zia a ngei mi minung cu a hakkau mi a si.I duh lio caan zong ah mah ti a si ko lai.Na darling hi a mah a palh nak bal ahcun a si khawh chung in thuhnawh a zuam i nangmah na sual nak kha a si khawh chung in a kawl si cun na darling hi a duhfak tuk mi a si.

zei tik paoh ah a hnah a chuak mi

Na darling nih na cung ah midang pakhat he an hnahchuah tik ah i uangthlar hlah .Hnahchuah nak timi hi zei bantuk in an chim zong ah .thinlung that lo ti le Fimthiam nak tlawm ruang ah a hman mi kha a hmanning tein hmuh thiam lo nak ti phun thinlung lei chanbau nak ruang ah a chuak mi a si ti khi a sawh mi a si.Hnahchuah nak sawhsawh khi cu chim duh mi a si lo. Nain nan pahnih chungkhar nan dirh tik ah mah bantuk hnahchuah nak kong bia pawl nih khan nan pahnih nan i then nak ding ca a tialtu a si te lai.

Biachim a cuh

A caan caan i bia nan i al caan ah khin a mah chim caan ah cun”um rih kei mah ka chim lai….ka chim mi bia hi a dih tiang ngai”ti phun in nawl an pek fawn nain nangmah na chim caan a phanh tik zong ah a chim duh mi bia kha an tanh i a chim lengmang i nangmah na bia cu zei ah a rel lo ah cun na darling hi a duhfak taktak mi a si ti nak a si.

Dawtnak a langh ter lo sicun

A duhfak mi sin ah cun dawt nak timi hi a um lo. Aum ko hmanh ah a duhmi a um caan lawng ah an daw tuk bantuk in a um lai i velhle dawtnak lawng a um caah a duh mi a um ti lo caan ah cun darling le mithmai khah lo/mithmai zoh zong hmang loin mi ziachia tak an si.

Lenglei sining zoh in an neek ahcun

Micheu cu an mah an fim an thiam ruang ah le an i dawh ruang an rum ruang le an reng a san ruang ah mi nih a kan duh tiah a ruat mi le a zum bak mi an um.Mah bantuk minung cu na duh sual si ah cun an nih cu zei tik hmanh ah an i upat lai lo i zei ah an rel lai lo bantuk in a mah he nan i duh khawh nan i co mi hi vawlei cung ah a vantha bik mi na si tiphun in an um hnawh lai i na tuah mi thil paoh kha a tha in a hmu kho lai lo.

A thin a tawi

Minung paoh hi kan thin a tawi dih cio ko.Nain a duhfak mi hna cu a hlei in an thin a tawi. A thin a linh canghnu cun mihmai mahhmai ti lo in na palhnak le na tlamtlinlo nak kha an hro lai i a kut tiang na cung ah a thlak lai i ningzah hngal loin an vualhpamh si ahcun na darling hi a duhfak taktak mi pakhat a si.

Zei tik hmanh ah an lawmh lo.

A duh mi kar ah i lawmh timi hi a mi paoh nih an chim bal cio ko lai. A si nain a duhfak mi nih cun velhle lawng in chim an hmang i duhsah tein a ziakel ah a chuak than ko. A hnu ah cun na tuah mi paoh hi lawmh cu chim hlah,sual kawlnak tu ah an cang kho mi a si.

Discipline (sikaan) a theithiam lo.

A duh mi kar ah ralven ding mi (sikaan)zulh ding mi tuah ding mi hi an thei lo. An thei lo ti tik ah an theih hrimhrim lo mi khi chim duh mi si lo in an mah nih an tuah duh mi sikaan phun cu a si khawh chung in an zulh ko, zulh an duh lo mi sikaan cu bia siphai pah in a pah chinh lai i a zul duh lai lo, an nih cu sikaan in uk khawh mi an si lo i nangmah tu kha a mah uknak tang ah na um lai.

Click to comment

Leave a Reply

Your email address will not be published.

More in Education

Facebook

Rel Bikmi

To Top